Tanhai ne saath kabhi na chhoda
Andhere ki lau ne dil ke konon mein roshni ki
Intezaar ne khoob dosti nibhai
Aur mujhe lagta tha mein akeli hoon?
Vaqt mere saath chalta aaya
Zamaana mujhpe hanstaa aaya
Khamoshi ne mere liye geet gaaya
Aur mujhe lagta tha mein akeli hoon?
Agar in sabka saath mila hai
To phir dil bezaar kyon
Ye kisika abtak intezaar kyon
Dil mein ummeed ka mahaul kyon
Bas ab ghar laut chalti hoon
Dil chahta hai, dil ko manaa leti hoon
Thak gayee hoon, thoda aaraam kar leti hoon
Khuli aankhon mein aa aakar sapne sataate hain
Zaraa aankhen mandke neend ki ummeed kar leti hoon.
Saturday, February 10, 2007
Subscribe to:
Posts (Atom)